حکومت کا ایک اور اہم فیصلہ، بجلی کی تقسیم کار کمپنیوں کی نجکاری کرنے کے منظوری دیدی گئی
نجکاری کے حوالے سے2025ء تک قانونی مراحل مکمل کیے جائیں گے' پہلے مرحلے میں تین ڈسکوز کی نجکاری ہوگی: وفاقی وزیر عبدالعلیم خان کا اجلاس میں فیصلہ
اسلام آباد(کھوج نیوز) حکومت نے ایک اور اہم فیصلہ کرتے ہوئے بجلی کی تقسیم کا رکمپنیو ں (ڈسکوز) کی نجکاری کرنے کی منظوری دے دی ہے یہ منظوری نجکاری کمیشن بورڈ کے اجلاس میں دی گئی۔
تفصیلات کے مطابق نجکاری کمیشن بورڈ کا اجلاس وفاقی وزیربرائے سرمایہ کاری بورڈ،مواصلات اورنجکاری عبدالعلیم خان کی زیرصدارت منعقد ہوا۔ اجلاس میں ڈسکوز کی نجکاری کی منظوری کے ساتھ ساتھ مالیاتی مشیر لگانے کا بھی فیصلہ کیا گیا ہے۔ نجکاری کے حوالے سے2025 تک قانونی مراحل مکمل کیے جائیں گے۔ پہلے مرحلے میں تین ڈسکوز کی نجکاری ہوگی۔
وفاقی وزیر عبدالعلیم خان کا کہنا تھا کہ پی آئی اے کی نجکاری پرائیوٹائزیشن کے لیے نجی شعبے کی سنجیدگی کا اظہارہوگا۔ اداروں کی شفاف اور جلد از جلد نجکاری کو یقینی بنایا جائے۔ملکی معیشت کی مضبوطی اوربحالی کے لیے نجکاری کا عمل بہت اہمیت کا حامل ہے۔ نجی شعبے کو منتقل ہونے والیاداروں کو منافع بخش بنانے کے مضبوط امکانات ہیں۔ نجکاری کے تمام اہداف بروقت حاصل کریں، حتمی منظوری سی سی او پی دے گی۔
