خواجہ حارث نے عمران خان کے کیس کی پیروی کرنے سے کیوں انکار کیا؟

اسلام آباد(کورٹ رپورٹر، مانیٹرنگ ڈیسک) دو سابق وزراء اعظم کو نا اہل کروانے والے مہنگے ترین وکیل خواجہ حارث نے عمران خان کے خلاف توشہ خانہ کیس کی مزید پیروی کرنے سے کیوں انکار کیا سنسنی خیز وجوہات سامنے آگئیں۔

کھوج نیوز کے مطابق خواجہ حارث توشہ خانہ کیس میں چیئرمین پی ٹی آئی کی قانونی ٹیم سے الگ ہو گئے ،خواجہ حارث نے چیئرمین پی ٹی آئی کی قانونی ٹیم میں ڈسپلن پر تحفظات پر علیحدگی کا فیصلہ کیا ،سپریم کورٹ ، ہائیکورٹ میں چیئرمین پی ٹی آئی کی نمائندگی لطیف کھوسہ اور دیگر کریں گے ،خواجہ حارث نے کیس کی تمام فائلیں عمران خان کی لیگل ٹیم کو بھجوا دی ہیں ،اسلام آباد ہائیکورٹ میں سزا معطلی کی درخواست پر سماعت کیلئے خواجہ حارث پیش نہیں ہو ں گے ،22 اگست کی سماعت میں بھی خواجہ حارث عدالت میں پیش نہیں ہوئے تھے ،خواجہ حارث نے چیف جسٹس اسلام آباد ہائیکورٹ پر اعتراض نہ اٹھانے کا مشورہ دیا تھا ،چیئرمین پی ٹی آئی کی لیگل ٹیم کے کچھ ارکان بینچ پر اعتراض کا مشورہ دے رہے تھے ،کچھ وکلانے خواجہ حارث کو کہا کہ آپ بینچ پر اعتراض نہ اٹھائیں مگر ہمیں اجازت دیں ۔دریں اثناء معلوم ہوا ہے کہ خواجہ حارث کے منشی کو چند نامعلوم افراد نے اغواء کر لیا تھا جس کی وجہ سے انہوں نے احتجاجاً عمران خان کے کیس میں اسلام آباد ہائیکورٹ ضمانت کے لئے مزید پیروی کرنے سے صاف انکار کر دیا ہے۔