رائٹ سائزنگ، مزید نئی وزارتیں نشانے پر، ادارے بھی شامل

اسلام آباد(کھوج نیوز) وفاقی حکومت نے ایک نیا پلان مرتب کیا ہے جس کو رائٹ سائزنگ کا نام دیا گیا ہے اس پلان میں مزید نئی وزارتیں نشانے پر آگئی ہیں جس میں ادارے بھی شامل ہیں۔

تفصیلات کے مطابق شدید خسارے کا باعث بننے والے ان ریاستی تجارتی اداروں کو رائٹ سائزنگ پلان کے تحت بند کر دیا جائے گا، تاہم اس فیصلے کا اطلاق تمام اداروں پر نہیں ہوگا۔ رپورٹ کے مطابق پرنٹنگ کارپوریشن، لائیواسٹاک اینڈ ڈیری، ریلویز، او پی ایف، ایف ڈی بی، پی سی ایس آئی کے بورڈ آف گورنرز میں تبدیلیوں کی منظوری دی گئی ہے۔ ایسا پہلی بار ہے کہ پاکستان پرنٹنگ کارپوریشن کے بورڈ آف گورنرز میں 5 آزاد ڈائریکٹر شامل ہیں۔س حوالے سے مالی سال 2024 کی پہلی ششماہی کی سمری کا بھی جائزہ لیا گیا۔ کابینہ کمیٹی برائے SOEs نے بورڈز کی تشکیل نو کی منظوری دے دی ہے تاکہ رائٹ سائزنگ سے متعلق فیصلے کا اطلاق مختلف اداروں پر کیا جا سکے۔رپورٹس کے مطابق حکومت آئندہ ہفتوں میں کچھ مزید وزارتوں اور محکموں کے لیے رائٹ سائزنگ پلان کی تفصیلات پیش کرنے والی ہے۔ اس حوالے سے منصوبہ منظوری کے لیے وزیر اعظم شہباز شریف اور کابینہ کے ارکان کے سامنے پیش کرنے کے لیے تیار ہے۔