پاکستان
راولپنڈی سےپلندری جانےوالی کوسٹرگہری کھائی میں جا گری، 25 افراد جاں بحق
ریسکیو 1122 کی ٹیموں نے جائے حادثہ پہنچ کر کوسٹر سے لاشیں اور زخمیوں کو باہر نکال کر اسپتال منتقل کیا کی کوشش کی جا رہی ہیں
کہوٹہ(کھوج نیوز) راولپنڈی سے پلندری جانے والی کوسٹر تھانہ کہوٹہ کے علاقے گراری پل کے قریب گہری کھائی میں جا گری جس کے باعث 25 افراد جاں بحق ہوگئے۔ ابتدائی معلومات کے مطابق حادثہ تیز رفتاری کے باعث پیش آیا۔ ریسکیو 1122 کی ٹیموں نے جائے حادثہ پہنچ کر کوسٹر سے لاشیں اور زخمیوں کو باہر نکال کر اسپتال منتقل کیا کی کوشش کی جا رہی ہیں۔ میتوں کو تحصیل ہیڈ کوارٹر اسپتال کہوٹہ منتقل کیا جا رہا ہے۔
کمشنر پونچھ ڈویژن سردارعبدالوحید کے مطابق حادثہ آزاد پتن اور کہوٹہ کے درمیان پانہ پل کے پاس پیش آیا، حادثے کی اطلاع ملتے ہی ریسکیو ٹیمیں راولاکوٹ اور سدہنوتی سے موقع پر روانہ کر دی گئی ہیں۔ ڈپٹی کمشنر سدھنوتی عمر فاروق نے بتایا کہ جاں بحق ہونے والوں میں بچے خواتین اور مرد شامل ہیں، جاں بحق ہونے والے افراد کا تعلق ضلع سدہنوتی سے ہے۔
