رضوانہ تشدد،ازخود نوٹس کی درخواست سپریم کورٹ ہیومن سیل میں دائر

اسلام آباد (کورٹ رپورٹر، انٹرنیوز)کم سن گھریلوملازمہ پرتشدد کے خلاف ازخود نوٹس لینے کی درخواست سپریم کورٹ ہیومن سیل میں دائر کر دی گئی۔

تفصیلات کے مطابق وکیل رانا نعمان کی جانب سے سپریم کورٹ ہیومن سیل میں کم سن گھریلو ملازمہ پر تشدد کے خلاف ازخود نوٹس لینے کی درخواست دائر کر دی گئی ہے۔درخواست میں کہا گیا ہے کہ اسلام آباد جوڈیشل اکیڈمی کے انتظامی افسر کی اہلیہ نے گھریلو ملازمہ پرتشدد کیاجس سے وہ تشویشناک حالت میں زیرعلاج ہے۔استدعا ہے کہ عدالت اس معاملے پرازخود نوٹس لے۔درخواست میں افسرکے خلاف بھی محکمانہ کارروائی کی استدعا کی گئی ہے۔