روپوش رہنماؤں کو اشتہاری قراردلوانےکیلئےکارروائی تیز

لاہور(کھوج نیوز)پنجاب پولیس نے چیئرمین پاکستان تحریک انصاف کی بہنوں سمیت روپوش پی ٹی آئی رہنماؤں کو اشتہاری قرار دلوانے کے لیے کارروائی کا آغازکردیا۔ پولیس حکام کا کہنا ہے کہ ابتدائی طور پر 22 پی ٹی آئی رہنماؤں کو انسداد دہشت گردی عدالت سے اشتہاری قرار دلوانے کے لیے کارروائی کی جائے گی۔

پولیس کے مطابق ابتدائی طور پر عظمیٰ خان، علیمہ خان، میاں اسلم اقبال کو اشتہاری قرار دلوایا جائے گا، اس کے علاوہ حماداظہر، فرخ حبیب، زبیر نیازی، مراد سعید کو بھی اشتہاری قرار دلوایا جائے گا۔

پولیس حکام کا بتانا ہے کہ علی امین گنڈا پور، اسد زمان چیمہ، حسان نیازی، حافظ فرحت، اعظم سواتی، عندلیب عباس، خالد گجر اور کرامت کھوکھر کو بھی اس فہرست میں شامل ہیں۔

پولیس حکام کے مطابق ملزمان کی گرفتاریوں کے لیے متعدد چھاپے مارے گئے لیکن گرفتار نہیں ہوئے، ملزمان کو اشتہاری قرار دلوا کر اشتہار ان کی رہائش گاہوں پر آویزاں کیے جائیں گے۔