سعودی وفد کےدورہ کےموقع پرشیرافضل مروت نے متنازعہ بیان دیا،بانی پی ٹی آئی سچ زبان پر لے آئے

راولپنڈی(کھوج نیوز)سعودی وفد کےدورہ کےموقع پرشیرافضل مروت نے متنازعہ بیان دیا،بانی پی ٹی آئی سچ زبان پر لے آئے۔رپورٹ کے مطابق بانی پی ٹی آئی عمران خان نے اڈیالہ جیل میں شیر افضل مروت سے متعلق اہم انکشافات کرتے ہوئے اس بات کا ذکرکیا ہے کہ شیر افضل مروت نے پارٹی کیلئے زبردست کام کیا۔ انھوں نے کہا کہ سیاسی جماعت میں دائرے کے اندر رہ کر کام کرنا ہوتا ہے،شیر افضل مروت کو کئی مرتبہ سمجھایا پارٹی پالیسی کی خلاف ورزی نہ کرے، شیر افضل مروت ہر دوسرے دن کسی نہ کسی پارٹی لیڈر پر چڑھائی کر دیتا تھا،شیر افضل کو سمجھایا کہ جنگ باہر والوں سے ہوتی ہے پارٹی میں لڑائی نہیں ہوتی .

عمران خان نےکہا کہ سعودی وفد کے دورہ کے موقع پر شیر افضل مروت نے متنازعہ بیان دیا،محمد بن سلمان نے میرے کہنے پر دو مرتبہ او آئی سی کانفرنس کروائی،شیر افضل مروت نے پارٹی کے لئے بہت کام کیا لیکن انکو پارٹی پالیسی کی بار بار خلاف ورزی نہیں کرنی چاہیئے ،شیر افضل مروت اب بھی پارٹی پالیسی کے مطابق چلے تو کوئی ایشو نہیں ہے،شیر افضل مروت کو نوٹس جاری کیا ہے جواب دینگے تو ٹھیک ہے،کوئی پارٹی ڈسپلن میں رہے تو ٹھیک خلاف ورزی کرے تو پورس کا ہاتھی بن جاتا ہے