سموگ میں اضافہ، پنجاب حکومت کیلئے درد سر بن گیا

لاہور( کھوج نیوز) صوبائی دارالحکومت میں بڑھتی ہوئی سموگ پنجاب حکومت کیلئے درد سر بن گئی ہے، چیف میٹرولوجسٹ محکمہ موسمیات نے حکومت پنجاب کے پلان کی واٹ لگا دی۔

تفصیلات کے مطابق چیف میٹرولوجسٹ محکمہ موسمیات چوہدری اسلم نے کہا کہ28 یا 29 نومبر کو مصنوعی بارش نہیں برسائی جارہی، شہر میں مصنوعی بارش کے لیے تیاریاں کی جا رہی ہیں۔ چوہدری اسلم نے بتایا کہ مصنوعی بارش کے لیے بادلوں پر خاص قسم کا اسپرے کیا جاتا ہے، اسپرے کے کچھ دیربعد مصنوعی بارش ہوتی ہے، بارش کا دورانیہ 45 منٹ یا اس سے زیادہ بھی ہوسکتا ہے، مصنوعی بارش سے اسموگ پر بہت فرق پڑے گا۔ چیف میٹرولوجسٹ کا کہنا تھا کہ آئندہ ماہ میں مصنوعی بارش متوقع ہے، 2001ء اور 2002ء میں بھی موسم گرما اور موسم سرما میں پاک فوج کے طیاروں کی مدد سے مصنوعی بارش برسائی گئی تھی۔