اسلام آباد(کھوج نیوز) سپریم کورٹ کے جسٹس مظاہر علی اکبر نقوی کے خلاف شکایات کے معاملے پر سپریم جوڈیشل کونسل کا اجلاس طلب کرلیا گیا۔
تفصیلات کے مطابق ذرائع کا کہنا ہے کہ چیف جسٹس قاضی فائز عیسیٰ نے 14 دسمبر کو سپریم جوڈیشل کونسل کا اجلاس بلایا ہے۔ ذرائع نے بتایاکہ اجلاس جمعرات کو ججز بلاک کانفرنس روم میں ڈھائی بجے ہوگا۔ ذرائع کا کہنا ہے کہ سیکرٹری سپریم جوڈیشل کونسل نے پانچوں ممبران کو نوٹس بھیج دیا ہے۔
