عدلیہ و سرکاری افسران کو دھمکیاں دینے کے مقدمہ ‘رانا ثناء اللہ کو آزادی کا پروانہ مل گیا

گوجرانوالا (نمائندہ کھوج نیوز، آن لائن ) گوجرانوالہ کی انسداد ہشت گردی عدالت نے وفاقی وزیر داخلہ رانا ثناء اللہ کو عدلیہ اور سرکاری افسران کو ٹی وی پر دھمکیاں دینے کے الزام کے مقدمے میں بری کردیا ۔

تفصیلات کے مطابق وزیر داخلہ رانا ثناء اللہ کے خلاف گجرات کے تھانہ انڈسٹریل اسٹیٹ میں درج گوجرانوالا کی خصوصی عدالت میں چیف سیکرٹری اور سرکاری افسران کو دھمکیاں دینے کے مقدمے کی سماعت ہوئی۔ وزیر داخلہ رانا ثناء اللہ انسداد دہشتگردی کی خصوصی عدالت گوجرانوالا میں پیش ہو ئے، پیشی کے موقع پر سکیورٹی کے انتہائی سخت انتظامات کئے گئے۔ دوران سماعت مدعی نے اپنا بیان تبدیل کر لیا اور وزیر داخلہ کے خلاف مقدمہ واپس لے لیا جس پر عدالت نے وزیر داخلہ کو مقدمے سے بری کرنے کا حکم دیدیا ۔ عدالت نے رانا ثنا اللہ کے ساتھ ان کے ضمانتی رانا سعد کو بھی نوٹس جاری کرتے ہوئے 25 جولائی کو طلب کیا تھا۔وزیر داخلہ رانا ثناء اللہ کے خلاف مقدمہ انسداد دہشت گردی کی دفعات کے تحت 5 اگست 2022ء کو ق لیگ کے مقامی رہنما شاہ کار اسلم کی مدعیت میں درج کیا گیا تھا۔