عمران خان اور اسٹیبلشمنٹ میں عاشق اور معشوق کی لڑائی ہے’ مشاہد حسین نے بڑا دعویٰ کر دیا

اسلام آباد(نیوز رپورٹر، مانیٹرنگ ڈیسک) سینیٹ کمیٹی برائے دفاع کے سربراہ مشاہد حسین نے دعویٰ کیا ہے کہ عمران خان اور اسٹیبلشمنٹ کے درمیان عاشق اور معشوق کی لڑائی ہے۔

تفصیلات کے مطابق ن لیگ کے رہنما مشاہد حسین نے کہا کہ مجھے لگتا ہے عمران خان سے مدر آف آل ڈیلز ہو گی۔اب قیدی نمبر 804 پکڑائی نہیں دے رہا،سنبھالا نہیں جا رہا تو اس سے سبق سیکھیں۔سب کو ساتھ لے کر چلیں اور اگر اب تصادم ہوا تو ملک اس کا متحمل نہیں ہو سکتا۔ انہوں نے کہا یہ عاشق اور معشوق کی لڑائی ہے جس میں معافی تلافی ہو جاتی ہے۔عمران خان ویسے بھی یوٹرن کے ماہر ہیں،معتبر الیکشن کرانے ہیں تو بشمول پی ٹی آئی کسی کو باہر نہیں رکھ سکتے۔پی ٹی آئی کا انتخابات میں کردار ہے۔ مشاہد حسین نے مزید کہا کہ تاریخ کے حساب سے نوازشریف کی خواہش ممکنات میں سے نہیں ہے۔ ملٹری اسٹیبلشمنٹ کبھی نہیں چاہے گی ان کے بندے کا احتساب کوئی اور کرے۔اس کا فیصلہ وہ خود کریں گے اور وہ یہ فیصلہ ہونے نہیں دیں گے۔گذشتہ ڈیڑھ سال ن لیگ کی حکومت تھی، کوئی ایکشن لینا تھا تو اس وقت لیتے۔جنرل یحیحی کو ریاستی اعزاز ملا اور پرویز مشرف کو بھی آپ روک نہیں سکے تھے۔نوازشریف کا گلہ جائز ہے، 2017میں زیادتی ہوئی اور یہ رجیم چینج تھا۔