عمران خان کے خلاف ملک بھر میں درج مقدمات کی تفصیلات نے چونکا کر رکھ دیا

اسلام آباد(کھوج نیوز) پاکستان تحریک انصاف کے بانی عمران خان کے خلاف ملک بھر میں درج مقدمات کی تفصیلات سامنے آنے کے بعد سب کے سب چونک کر رہ گئے ہیں۔

تفصیلات کے مطابق وزارت داخلہ کی رپورٹ میں بتایا گیا ہے کہ بانی پی ٹی آئی عمران خان پر ملک بھر میں درج مقدمات کی تعداد اب 188 تک پہنچ گئی ہے۔ رپورٹ میں مزید بتایا گیا ہے کہ عمران خان کے خلاف پنجاب میں 99 اور خیبر پختونخوا میں 2 مقدمات جبکہ وفاقی دارالحکومت میں بانی پی ٹی آئی کے خلاف 76 مقدمات درج ہیں۔ایف آئی اے کی رپورٹ کے مطابق وفاقی تحقیقاتی ادارے میں عمران خان پر 7 مقدمات اور انکوائریز زیرالتوا ہیں، نیب میں بھی بانی پی ٹی آئی کے 3 مقدمات زیر التوا ہیں جب کہ توشہ خانہ فوجداری کیس میں سزا کے خلاف بانی پی ٹی آئی کی اپیل زیر التوا ہے۔