اسلام آباد (سٹاف رپورٹر، انٹر نیوز)عوام کیلئے بڑی خوشخبری، بینک سے پیسے نکلوانے پر ٹیکس شرح ختم’ بینک سے50 ہزارروپے تک رقم نکلوانے پر ٹیکس کی شرح صفر کردی گئی ہے۔
تفصیلات کے مطابق بینک سے رقوم نکلوانے والے نان فائلرزپر0.6چھ فیصد ایڈوانس ٹیکس عائد کردیا گیا ہے، ٹیکس ایکٹوٹیکس پیئرزلسٹ میں شامل نہ ہونے والوں سے لیا جائے گا۔ایف بی آرسرکلرکے مطابق بینک سے 50ہزارروپے تک رقم نکلوانے پرٹیکس کی شرح صفر ہوگی،50ہزار 500روپے تک رقم نکلوانے پر 303روپے ٹیکس لاگو ہوگا۔ایف آئی بی آرکے مطابق 55 ہزارروپے نکلوانے پر330روپے ٹیکس وصول کیا جائے گا، 75ہزار روپے نکلوانے والے نان فائلرز سے 450روپے ٹیکس لیا جائے گا۔ایک دن میں بینک سے نکلوائی گئی 50ہزار سے زائد پوری رقم پر ٹیکس ہوگا،وفاقی و صوبائی حکومتوں پر ٹیکس کا اطلاق نہیں ہوگا،پاکستان میں غیرملکی سفارتکاریا سفارتی مشن بھی ٹیکس سے مستثنیٰ ہونگے۔
