عوام کی مشکلات،وزیراعلیٰ مریم نواز والٹن روڈ پہنچ گئیں

لاہور(کھوج نیوز)وزیراعلی پنجاب مریم نوازشریف عوام کی مشکلات کا جائزہ لینے خود والٹن روڈ پہنچ گئیں۔رپورٹ کے مطابق وزیر اعلیٰ مریم نوازکااے ڈی اے نالہ والٹن روڈ کی ری ماڈلنگ اور آپ گریڈیشن پراجیکٹ کا دورہ کیا۔ وزیر اعلیٰ مریم نواز نے خود دورہ کرکے نالے اور روڈ کی تعمیر جائزہ لیا،جبکہ وزیر اعلیٰ مریم نواز نے ڈیفنس موڑ پر ٹریفک کی صورتحال کا بھی معائنہ کیا اور ستمبر تک والٹن روڈ کا تین رویہ کیرج وے ٹریفک کے لئے کھولنے کی ہدایت بھی کی۔ وزیراعلیٰ مریم نواز نے اکتوبر تک دونوں اطراف چھ رویہ اے ڈی اے نالہ والٹن روڈ کھولنے کا حکم بھی دے دیا۔

وزیر اعلیٰ مریم نواز شریف کی سائٹ آفس میں خصوصی اجلاس میں شرکت کی،انھیں سی او او منصور جنجوعہ نے پراجیکٹ پر تفصیل بریفننگ دی ،اس دوران والٹن روڈ اپگریڈیشن پر پراجیکٹ کا تفصیلی جائزہ لیا گیا۔ وزیر اعلیٰ مریم نواز کی مون سون سے قبل والٹن روڈ پر عوام کو درپیش مسائل کا ازالہ کرنے کی ہدایت کردی۔ بعد ازاں مریم نواز نے کہا کہ عوام کو شدید دشواری کا سا منا ہے۔والٹن روڈ پرا جیکٹ کی جلد تکمیل ناگزیر ہے، انھوں نے ہدایات جاری والٹن روڈ کی جلد تکمیل کے لئے تمام وسائل بروئے کار لائے جائیں ۔

مریم نواز نے مزید کہا کہعوام کی سہولت اور آسانی اولین ترجیح ہے۔ اس دوران انھیں بریفنگ دیتے ہوئے بتایا گیا کہ اے ڈی اے نالے کی تعمیر مکمل ہوچکی ہے، دو ڈسپوزل اسٹیشنز بھی تعمیر ہونگے ۔ قینچی اور فیروز پور سے ڈی ایچ اے جانے والی ٹریفک کے لئیے اوور ہیڈ برج بھی زیر تکمیل ہے۔ خواجہ سعد رفیق ، صوبائی وزیر اطلاعات عظمی زاہد بخاری۔ معاون خصوصی راشد نصر اللہ ,چیف سیکرٹری زاہد اختر زمان سی او او بریگیڈیئر منصور جنجوعہ, دیگر متعلقہ افسر بھی موجود تھے#