پاکستان
عوام کے لیے خوشخبری مریم نواز کا پنجاب میں ایک اور پروگرام کا آغاز
دھی رانی پروگرام کا بجٹ ایک ارب روپے مختص کیا گیا ہے ،اس کے پہلے فیز میں تین ہزار شادیاں کروائی جائیں گئی،وزیر اعلی پنجاب مریم نواز نئے جوڑوں کو ایک لاکھ سلامی بھی دیں گئیں
لاہور(کھوج نیوز)صو بہ پنجاب میں اپنی نوعیت کے پہلے دھی رانی پروگرام کا آغاز آج ہو گا۔ صوبہ بھر میں 1500جوڑوں کی شا دیاں کر وائی جائیں گئیں۔وزیر اعلی پنجاب مریم نواز آج لاہور میں 50اجتماعی شادیوں کی تقریب میں شرکت کر کے دھی رانی پروگرام کی باقاعدہ لانچنگ کریں گی۔پنجاب حکومت نے دھی رانی پروگرام کیلئے ایک ارب روپے کا بجٹ مختص کیا ہے۔ پہلے فیز میں 3ہزار شادیاں ہوں گی۔
تمام جوڑوں کو وزیراعلی پنجاب مریم نواز کی طرف سے فرنیچر اور ضروری اشیا ء کے تحائف پیش کئے جائیں گے۔ نئے جوڑوں کو وزیراعلی پنجاب کی طرف سے ایک لاکھ روپے سلامی بھی دی جائے گی۔ وزیراعلی پنجاب مریم نواز دھی رانی کارڈ کی لانچنگ بھی کریں گی دھی رانی کارڈ کے ذریعے نئے جوڑے ایک لاکھ روپے سلامی حاصل کرسکیں گے۔
