غیر قانونی طور پر مقیم افغان باشندوں کی واپسی کا عمل تیز، جائیدادوں کی فروخت شروع

اسلام آباد(سٹاف رپورٹر، مانیٹرنگ ڈیسک) پاکستان میں غیر قانونی طور پر میم افغان باشندوں کی واپسی کا عمل تیز ہوگیا ہے جبکہ ان کی جائیدادوں کی فروخت شروع ہو چکی ہے۔

تفصیلات کے مطابق پاکستان میں غیر قانونی طور پر مقیم افغان باشندوں کی واپسی کا عمل تیز ہو گیا ہے اور 54 افغان خاندان واپس چلے گئے ہیں جبکہ پشاور، خیبر اور دیگر علاقوںمیں افغانیوں نے اپنی جائیدادیں فروخت کرنا شروع کر دی ہیں۔نگران وزیر اطلاعات مرتضی سولنگی کا کہنا ہے کہ غیر قانونی مقیم غیر ملکیوں کو پاکستان چھوڑنا ہو گا۔ انہوں نے کہا کہ غیر قانونی مقیم افراد کی گرفتاری اور ملک بدری یقینی بنائیں گے، غیر ملکیوں کو 31 اکتوبر تک پاکستان چھوڑنا ہوگا۔ دوسری جانب افغان مہاجرین کو واپسی کی ڈیڈ لائن دینے کے بعد سے صوبائی دارالحکومتوں سمیت کئی شہروں میں الیکٹرانک کا سامان سستا ہوگیا اور مکانوں کے کرائے بھی کم ہونا شروع ہو گئے۔