قیمتوں میں کمی یا؟ نیپرا نے بجلی صارفین کو چھوٹی عید پر بڑا تحفہ دے دیا

اسلام آباد ( آن لائن ) نیشنل الیکٹر پاور ریگولیٹری اتھارٹی (نیپرا) نے بجلی تقسیم کار کمپنیوں کے فروری کے ماہانہ فیول چارجز ایڈجسٹمنٹ کی مد میں 6 پیسے فی یونٹ کمی کی منظوری دیدی۔

نیپر ا کی جانب سے جاری نوٹیفکیشن کے مطابق سی پی پی اے نے 85 پیسے فی یونٹ اضافے کی درخواست کی تھی جس پر اتھارٹی نے 30 مارچ 2023 کو ایف سی اے پر عوامی سماعت کی تھی، اس سے قبل جنوری کا ایف سی اے صارفین سے 48 پیسے فی یونٹ اضافے کے ساتھ چارج کیا گیا تھا، جو کہ صرف 1 ماہ کے لئے تھا ، فروری کا ایف سی ا ے جنوری کی نسبت 48 پیسے فی یونٹ کم چارج کیا جائے گا۔

اس کا اطلاق صرف اپریل کے ماہ کے بلوں پر ہوگا، اس کا اطلاق ڈسکوز کے تمام صارفین ماسوائے لائف لائن ، 300 یونٹس تک گھریلوصارفین ،زرعی صارفین اور الیکٹرک وہیکل چارجنگ اسٹیشنز پر ہوگا، اس کا اطلاق کے الیکٹرک صارفین پر نہیں ہوگا۔