محرم الحرام کا چاند کب نظر آئے گا؟ محکمہ موسمیات نے تاریخ بتا دی

کراچی(مانیٹرنگ ڈیسک) محرم الحرام 1445 ہجری کا چاند کب نظر آئے گا ؟ اس حوالہ سے محکمہ موسمیات نے اپنی بڑی پیشگوئی کر دی ہے ۔

تفصیلات کے مطابق محکمہ موسمیات کے کلائمیٹ ڈیٹا پروسیسنگ سینٹر نے پیشگوئی کی ہے کہ محرم کا چاند 18 جولائی 29 ذی الحج بروز منگل کو نظر آنے کا قوی امکان ہے اور یومِ عاشورہ 28 جولائی بروز جمعہ کو متوقع ہے۔ محکمہ موسمیات نے کہا کہ چاند کی پیدائش 17 جولائی کی رات 11 بج کر 32 منٹ پر ہوگی اور اس دوران ملک کے بیشتر علاقوں میں بادل چھائے رہنے کا امکان ہے۔ غروب آفتاب شام 7 بج کر24 منٹ پر ہونے کا امکان ہے جب کہ چاند رات 8 بجے طلوع ہو سکتا ہے۔محکمہ موسمیات نے کہا کہ غروب آفتاب کے وقت کراچی میں چاند کی عمر 20 گھنٹے 17 منٹ ہوگی، محرم الحرام کا چاند دیکھنے کی مدت غروب آفتاب کے بعد 46 منٹ تک ہے جب کہ چاند نظر آنے کے لیے 19 گھنٹے کی عمر ضروری ہے۔