مخصوص نشستوں کا فیصلہ، ن لیگی صدر میاں نوازشریف کا مؤقف بھی سامنے آگیا

لاہور(کھوج نیوز) سنی اتحاد کونسل کی مخصوص نشستوں کے کیس پر سپریم کورٹ کے فیصلے پر مسلم لیگ ن کے صدر میاں نوازشریف کا مؤقف بھی سامنے آگیا جس نے سب کو حیران کر دیا ہے۔

تفصیلات کے مطابق مسلم لیگ ن کے صدر نواز شریف نے سپریم کورٹ کے فیصلے پر پارٹی رہنماں سے مشاورت کی ہے۔ذرائع کے مطابق ملاقات کے دوران نواز شریف نے سپریم کورٹ کے فیصلے پر حیرت کا اظہار کیا۔ ذرائع کے مطابق نوازشریف نے ن لیگ کے مرکزی رہنماؤں کا اجلاس پیر کو مری میں بلالیا ہے۔نواز شریف نے مریم نواز کو بھی مری طلب کیا ہے۔ ذرائع کے مطابق نواز شریف کی زیر صدارت پارٹی رہنماؤں کے اجلاس میں اہم فیصلے متوقع ہیں۔