مخصوص نشستوں کے کیس کا فیصلہ، سینیٹر فیصل واوڈا کا بڑا دعویٰ’ پی ٹی آئی چیخ اٹھی

اسلام آباد (کھوج نیوز) سنی اتحاد کونسل کی مخصوص نشستوں کے کیس پر سپریم کورٹ کا فیصلہ آنے کے بعد سینیٹر فیصل واوڈا نے بڑا دعویٰ کر دیا جس کے بعد پاکستان تحریک انصاف چیخ اٹھی ہے۔

تفصیلات کے مطابق سنی اتحاد کونسل کی مخصوص نشستوں کے کیس پر سپریم کورٹ کا فیصلہ آنے کے بعد سابق وفاقی وزیر و سینیٹر فیصل واوڈا نے دعویٰ کیا ہے کہ آج کے فیصلے کے 15دن بعد پاکستان تحریک انصاف فارورڈ بلاک بنے گا اور پی ٹی آئی مزید ٹوٹ پھوٹ کا شکار ہوگی، فیصلے سے پی ٹی آئی کی مشکلات بڑھیں گی اور بانی پی ٹی آئی جیل میں ہی رہیں گے۔

واضح رہے کہ 13 رکنی فل کورٹ بینچ کے 8-5 کی اکثریت کے فیصلے میں کہا گیا ہے کہ تحریک انصاف سیاسی جماعت تھی اور ہے، پی ٹی آئی خواتین اور اقلیتی نشستوں کی حقدار ہے، انتخابی نشان نہ ملنے سے کسی سیاسی جماعت کا انتخابات میں حصہ لینے کا حق ختم نہیں ہوتا۔ فیصلے میں کہا گیا کہ پی ٹی آئی 15 دن میں مخصوص نشستوں کے لیے اپنی فہرست جمع کرائے، 80 میں سے 39 ایم این ایز پی ٹی آئی سے وابستگی ظاہر کر چکے ہیں، باقی اکتالیس ارکان پندرہ دن میں پارٹی وابستگی کا حلف نامہ دیں۔