پاکستان
ملک میں 12ربیع الاول کب ہوگی؟ تاریخ کا اعلان کر دیا گیا
اجلاس میں محکمہ موسمیات، سپارکو، وزارت سائنس اینڈ ٹیکنالوجی کے نمائندے بھی شریک تھے جبکہ ملک میں ربیع الاول کا چاند آج نظر نہیں آیا
اسلام آباد(نیوز رپورٹر، مانیٹرنگ ڈیسک) ملک بھر میں 12ربیع الاول کب منائی جائے گی؟ تاریخ کا اعلان کر دیا گیا ، جس کے بعد ملک بھر میں ربیع الاول کی تیاریاں بھی شروع کر دی گئی ہیں۔
تفصیلات کے مطابق ملک میں ربیع الاول1445ہجری کا چاند نظر نہیں آیا لہٰذا 18 ستمبر کو یکم ربیع الاول جبکہ 12 ریبع الاول 29 ستمبر کو ہو گی۔ چیئرمین مولانا سید عبدالخبیر آزاد کی صدارت میں ربیع الاول 1445 ہجری کا چاند دیکھنے کے لئے مرکزی رویت ہلال کمیٹی کا اجلاس اسلام آباد میں ہوا۔ اجلاس میں محکمہ موسمیات، سپارکو، وزارت سائنس اینڈ ٹیکنالوجی کے نمائندے بھی شریک تھے۔ واضح رہے کہ چاند کی رویت کیلیے زونل اور ضلعی ہلال کمیٹیوں کے اجلاس اپنے اپنے متعلقہ مقامات پر ہوئے ہیں۔
