مہنگائی کا زور ٹوٹ رہا ہے، مالیاتی استحکام کی کوششیں ٹریک پر ہیں: سٹیٹ بینک حکام کا دعویٰ

اسلام آباد(کھوج نیوز) سٹیٹ بینک آف پاکستان کے حکام نے دعویٰ کیا ہے کہ قلیل مدت کے بعد مہنگائی کا زور ٹوٹ رہا ہے جبکہ مالیاتی استحکام کی کوششیں بھی ٹریک پر ہیں۔

تفصیلات کے مطابق اسٹیٹ بینک کی مالیاتی ماہرین کو بریفنگ کے اہم نکات سامنے آگئے جس میں اسٹیٹ بینک حکام نے بریفنگ میں بتایا کہ ریٹ بڑھا کر آمدنی بڑھانے سے قلیل مدت میں مہنگائی کا منظرنامہ خراب ہوسکتا ہے، طلب پر دباؤکے سبب معاشی نمو معتدل رہے گی اور بیرونی کھاتہ بہتر ہوتا رہے گا۔ حکام نے کہا کہ بلند ادائیگیوں کے باوجود زرمبادلہ ذخائر بڑھائے، مالیاتی استحکام کی کوششیں ٹریک پر ہیں جب کہ مانیٹری رجحان توقعات اور سخت پالیسی مقف کے مطابق ہے۔ اسٹیٹ بینک حکام نے مالیاتی ماہرین کو بریفنگ دیتے ہوئے کہ کہ مہنگائی کی کیفیت میں بے قراری ہے لیکن اس کا زورٹوٹ رہا ہے جب کہ بجٹ اقدامات کا مہنگائی پر اثر تواقعات کے مطابق ہے۔