نوازشریف کی آمد، بلوچستان میں کیا پلاننگ کی جا رہی ہے؟ پتا چل گیا

بلوچستان( مانٹیرنگ ڈیسک) مسلم لیگ ن کے قائد و سابق وزیراعظم میاں نوازشریف کی وطن واپسی کی آمد آمد کے بعد بلوچستان میں کیا پلاننگ کی جا رہی ہے؟ سب پتا چل گیا ہے۔

تفصیلات کے مطابق مسلم لیگ ن بلوچستان کے صدر شیخ جعفر مندوخیل نے بتایا کہ نواز شریف کی وطن واپسی سے متعلق بلوچستان کی سطح پر اعلی اجلاس منعقد کیا گیا۔ اس اجلاس میں لاہور ایئر پورٹ پر استقبال کے علاہ دیگر امور پر تبادلہ خیال کیا گیا جعفر مندوخیل نے کہا کہ بلوچستان سے میاں محمد نواز شریف کے استقبال کے لیے 5 ہزار سے زائد کارکن روان ماہ کی 18 یا 19 تاریخ کو لاہور کا رخ کریں۔ قافلہ 2 حصوں میں لاہور کی جانب گامزن ہوگا۔

صوبائی دارالحکومت کوئٹہ سے روانہ ہونے والا قافلہ بذریعہ اسپیشل ٹرین جبکہ صوبے کے دیگر اضلاع آنے والے کارکنان گاڑیوں میں ایک منظم قافلے کی صورت میں لاہور کی جانب روانہ ہوں گے۔ پرائیویٹ گاڑیوں کے ذریعے روانہ ہونے والا قافلہ مختلف مقامات پر آرام کرے گا۔ اس دوران کارکنان کے کھانے پینے کا مناسب انتظام کیا جائے گا۔ جبکہ پارٹی ترانوں سے ورکرز کا لہو گرمایا جائے گا۔ دوسری جانب بذریعہ ٹرین روانہ ہونے والے کارکنان کی بھی خاطر تواضع کی جائے گی۔ جعفر مندوخیل نے بتایا کہ 20 اکتوبر کو قافلہ لاہور پہنچ جائے گا۔ جس کے بعد پارٹی ہدایات پر عملدرآمد کیا جائے گا۔