نگران وزیراعظم کون ہوگا؟ شاہ محمود کے دعویٰ نے تھرتھرلی مچا دی
نگران وزیراعظم کون ہوگا؟ دو بڑوں میں فیصلہ ہوچکا لیکن ہمیں اعتماد میں نہیں لیا گیا' اسرائیل کے حوالے سے توڑ مروڑ کر بات پیش کی جارہی ہے: شاہ محمود قریشی
ملتان(سپیشل رپورٹر، مانیٹرنگ ڈیسک) نگران وزیراعظم کون ہوگا؟ پاکستان تحریک انصاف کے وائس چیئرمین و سابق وزیر خارجہ شاہ محمود قریشی کے دعویٰ نے تھرتھرلی مچا کر رکھ دی ہے۔
تفصیلات کے مطابق شاہ محمود قریشی کا کہنا تھاکہ پی ٹی آئی چیئرمین کو عدالتوں سے ریلیف ملا ہے، حکومت چیئرمین پی ٹی آئی کیخلاف من گھڑت کیسز بنارہی ہے، حکومت 90 روز کے انتخابات کو ترجیح دیتے ہوئے نظر آرہی ہے، الیکشن کی تاریخ الیکشن کمیشن نے دینی ہے۔ انہوں نے کہا کہ اب یہ ابہام نہیں رہانگران وزیراعظم کون ہوگا، دو بڑوں میں فیصلہ ہوگیا، باقیوں کو کچھ معلوم نہیں، کیا بند کمرے کا فیصلہ مسلط کیا جائے گا؟ لاہور کی بیٹھک میں دبئی کے فیصلوں پر مہر ثبت کردی۔ انہوں نے کہا کہ پاکستان تحریک انصاف ایک اہم اسٹیک ہولڈر ہے، ہمیں اعتماد میں نہیں لیا گیاانہوں نے مزید کہا کہ اسرائیل کے حوالے سے توڑ مروڑ کر بات پیش کی جارہی ہے۔
