نگراں وزیراعظم انوار الحق کاکڑ کا چوہدری شجاعت سے رابطہ، کیا گفتگو ہوئی؟ پتا چل گیا

اسلام آباد( نیوز رپورٹر، مانیٹرنگ ڈیسک) نگراں وزیراعظم انوار الحق کاکڑ نے چوہدری شجاعت حسین سے رابطہ کیا ہے ان دونوں سیاسی رہنمائوں کے درمیان کیا گفتگو ہوئی ؟ پتا چل گیا۔

تفصیلات کے مطابق نگراں وزیراعظم انوار الحق کاکڑ نے ٹیلیفونک رابطے میں چوہدری شجاعت حسین کی خیریت دریافت کیاور انہوں نے چوہدری شجاعت حسین کی قومی خدمات پر خراج تحسین پیش کیا۔ ان کا یہ بھی کہنا تھا کہ سیاسی سفر کی ابتدا آپ کے ساتھ کی، اب بھی سرپرستی چاہتا ہوں’ بلوچستان کے حقوق کے لیے آپ نے ہمیشہ آواز بلند کی۔بلوچستان کے عوام کے بنیادی حقوق دلانے پر ہمیشہ آپ کے مشکور ہیں۔قومی، عوامی مسائل کے حل ، ملکی ترقی کے لیے آپ سے رہنمائی کا طالب ہوں۔چوہدری شجاعت حسین نے انوار الحق کاکڑ کو نگران وزیراعظم بننے پر مبارکباد دیتے ہوئے کہا کہ امید ہے آپ کے دور میں معاشی بہتری آئے گی۔ ملکی مسائل پر تمام سیاسی قوتوں کو ساتھ لے کر چلیں عوام مہنگائی کے ہاتھوں پریشان ہے،تدراک کے لیے اقدامات کریں۔