وزیراعظم نےفوج کا تختہ اُلٹنےکی کوشش کرنے والے بے نقاب کردئیے

اسلام آباد (ویب ڈیسک) وزیراعظم نےفوج کا تختہ اُلٹنےکی کوشش کرنے والے بے نقاب کردئیے ،ایک انٹرویو کے دوران وزیرِ اعظم شہبازشریف کا کہنا ہے کہ قومی اسمبلی کی مدت 12 اگست کی رات 12 بجے تک ہے، اس سے پہلے ہی اسمبلیاں تحلیل کرنے کی ایڈوائس صدر کو بھیج دیں گے۔ نمئی سمیت دیگر معاملات پر وزیرِ اعظم شہباز شریف کا خصوصی انٹرویو آج رات 10 بج کر 5 منٹ پر نجی چینل کے پروگرام میں پیش کیا جائے گا، جس کے میزبان سلیم صافی ہیں۔ انٹرویو میں انہوں نے کہا ہے کہ 9 مئی کے واقعات پاکستان، افواجِ پاکستان اور آرمی چیف کے خلاف سازش تھے۔

وزیرِ اعظم شہباز شریف کا کہنا ہے کہ 9 مئی کی سازش کے سرغنہ چیئرمین پی ٹی آئی تھے جس میں خواتین، مرد، سیاسی جتھہ، کچھ فوجی اور خاندان شامل تھے۔ وزیرِ اعظم شہبازشریف نے مزید کہا ہے کہ 9 مئی کی سازش کرنے والوں کی کوشش تھی کہ فوج کا تختہ اُلٹ دیں۔ وزیر ِاعظم پاکستان نے یہ بھی کہا ہے کہ 9 مئی کی سازش کرنے والے پاکستان میں انارکی اور خانہ جنگی چاہتے تھے۔