وزیراعلیٰ پنجاب مریم نوازسےاسپین کےسفیر اوراعزازی قونصل برائے اسپین جلال صلاح الدین کی ملاقات

لاہور(کھوج نیوز) وزیراعلیٰ پنجاب مریم نواز شریف سے اسپین کے سفیر جوز انتونیو ڈی اوری
(Josè Antonio de Ory) اوراعزازی قونصل برائے اسپین جلال صلاح الدین کی ملاقات ہوئی۔ پنجاب اور سپین کے درمیان تجارت، سرمایہ کاری، تعلیم، ثقافت اور سیاحت کے فروغ پر تبادلہ خیال باہمی تعلقات کو مضبوط بنانے کی مشترکہ کاوشوں کو بڑھانے کی ضرورت پر زور دیا گیا۔

ملاقات میں انفراسٹرکچر ، قابل تجدید توانائی، لائیو سٹاک اور زراعت میں سرمایہ کاری کے امکانات پر غور وزیراعلیٰ مریم نواز شریف نے کاروبار کی ترقی کے لیے سرمایہ کاروں کو سازگار ماحول فراہم کرنے کے حوالے سے پائیدار حکومتی اقدامات سے آگاہ کیا ہسپانوی سفیر کی پنجاب میں مضبوط اقتصادی شراکت داری کو فروغ دینے میں گہری دلچسپی کا اظہار کیا۔

اس موقع پر وزیراعلیٰ مریم نوازشریف نے کہا کہ سپین کی بزنس کمیونٹی کیلئے ٹیکسٹائل، فوڈ پراسیسنگ، زراعت اور لائیو سٹاک میں سرمایہ کاری مواقع موجود ہیں۔ انھوں نے کہا کہ

غیرملکی سرمایہ کاروں کو محفوظ سرمایہ کاری کیلئے بہترین ماحول فراہم کیا جارہا ہے۔ مریم نواز شریف نے مزید کہا کہ پاکستان اور سپین کے تجارتی حجم میں اضافہ کا رحجان خوش آئند ہے۔
پنجاب حکومت سپین کے ساتھ سرمایہ کاری اور تجارتی حجم میں مزید اضافے کی خواہش مند ہے۔
اس ملاقات میںسینئرمنسٹر مریم اورنگزیب، دیگرحکام بھی موجود تھے