پنجاب کی پہلی خاتون وزیراعلیٰ مریم نواز 8روزہ سرکاری دورے پرچین روانہ
مریم نواز شریف کا دورہ کرنے والی پہلی پاکستانی خاتون وزیر اعلیٰ ہیں۔ وزیر اعلیٰ پنجاب مریم نواز شریف 8 سے 15 دسمبر تک چین کا دورہ کریں گی
لاہور(کھوج نیوز) وزیراعلی پنجاب مریم نوازشریف 8روزہ سرکاری دورے پر چین روانہ ہو گئیں،واضح ہو کہ وزیراعلی پنجاب مریم نواز شریف کا دورہ کرنے والی پہلی پاکستانی خاتون وزیر اعلیٰ ہیں۔ وزیر اعلیٰ پنجاب مریم نواز شریف 8 سے 15 دسمبر تک چین کا دورہ کریں گی۔وزیراعلیٰ پنجاب کے ساتھ سینٹر پرویز رشید،سینیئر صوبائی وزیر مریم اورنگزیب ،وزیر اطلاعات وثقافت عظمیٰ زاہد بخاری، وزیر ٹرانسپورٹ بلال اکبر،وزیر زراعت عاشق کرمانی سمیت اعلیٰ سطح وفد بھی چین کے دورے پر روانہ ہوئے ہیں۔
وزیراعلی مریم نوازشریف بیجنگ، شنگھائی، شن ژین اور گوانگ ژو کے دورے کرینگی وزیر اعلیٰ پنجاب مریم نواز شریف چین کے وزرا ، اعلی حکام ، ماہرین سے بھی ملاقاتیں کریں گی۔ وزیر اعلیٰ پنجاب مریم نواز شریف چین میں مختلف ملاقاتیں ،تقاریب ، کانفرنس میں شرکت کریں گی ۔وزیراعلی مریم نواز شریف کو چین کی حکمران جماعت کمونسٹ پارٹی آف چائنا کی طرف سے دورہ چین کی دعوت دی گئی ہے۔
