وزیرِ اعلیٰ پنجاب مریم نواز نےجویلین تھرو کےعالمی چیمپئن ارشد ندیم کو بھاری رقم اور کارانوکھےنمبر کی کار بھی تحفہ میں دیدی

میاں چنوں(کھوج نیوز)وزیرِ اعلیٰ پنجاب مریم نواز نےجویلین تھرو کےعالمی چیمپئن ارشد ندیم کو بھاری رقم اور کارانوکھےنمبر کی کار بھی تحفہ میں دیدی۔رپورٹ کے مطابق وزیرِ اعلیٰ پنجاب مریم نواز نے جویلین تھرو کے عالمی چیمپئن ارشد ندیم کو بھاری انعامات سے نواز دیا۔ مریم نواز طلائی تمغہ جیتنے والے ارشد ندیم سے ملاقات کے لیے ان کے گاؤں میاں چنوں پہنچیں۔ وزیرِ اعلیٰ بذریعہ ہیلی کاپٹر اتھلیٹ کے گھر پہنچ کر کھلاڑی اور ان کے اہل خانہ سے ملاقات کی۔ ایتھلیٹ کی تاریخ ساز کامیابی پر انہیں مبارک باد پیش کی۔

انہوں نے کھلاڑی کو گولڈ میڈل جیتنے پر 10 کروڑ روپے کی انعامی رقم اور کار بھی دی جس کا نمبر 92۔97ہوگا واضح ہوکہ ارشد ندیم نے 92۔97 میٹر کی تھرو کرکے پیرس اولمپیکس میں گولڈ میڈل جیتا تھا۔ ملاقات کے بعد وزیر اعلیٰ پنجاب مریم نواز میاں چنوں سے ارشد ندیم سے واپس لاہور روانہ ہوگئیں۔ خیال رہے کہ اس سے قبل اولمپکس میں 40 سال بعد پاکستان کو میڈل جتوانے والے ارشد ندیم کے لیے وفاقی، صوبائی حکومتوں، اداکاروں سمیت کئی شخصیات اور اداروں نے انعامات دینے کا اعلان کیا تھا۔