وزیر اعظم سے چیف آف نیول سٹاف کی ملاقات’ اہم امور پر تبادلہ خیال

اسلام آباد(سٹاف رپورٹر، آن لائن)وزیراعظم شہباز شریف سے چیف آف نیول سٹاف امجد خان نیازی نے ملاقات کی ہے جس میں پاک بحریہ سے متعلق پیشہ ورانہ امور پر تفصیلی تبادلہ خیا ل کیا گیا

تفصیلات کے مطابق ملاقات میں چیف آف نیول سٹاف نے وزیراعظم کو پاک بحریہ کو مقامی سطح پر ہتھیاروں و جنگی جہازوں کی تیاری کی حکمت عملی سے آگاہ کیا، نیول چیف نے اس حکمت عملی کے تحت پاکستان کو دفاعی اعتبار سے خودکفیل بنانے اور جدید ٹیکنالوجی کے حصول کے حوالے سے جاری اقدامات سے بھی آگاہ کیا۔