پاکستان تحریک انصاف کو عدالت عظمیٰ سے بڑا بریک تھرو مل گیا

اسلام آباد(کھوج نیوز) سپریم کورٹ کی جانب سے پاکستان تحریک انصاف کو بڑا بریک تھرو مل گیا ہے جس کے مطابق این اے 97 میں دوبارہ گنتی کی لیگی امیدوار کی درخواست خارج کر دی ہے۔

تفصیلات کے مطابق سپریم کورٹ میں دوران سماعت جسٹس امین الدین نے کہاکہ ہم دوبارہ گنتی پر پہلے ایک فیصلے دے چکے ہیں،کیا اس کیس میں بھی ویسے ہی حقائق ہیں؟وکیل لیگی امیدوار حسن رضا پاشا نے کہاکہ جی اس کیس میں بھی حقائق وہی ہیں،جسٹس نعیم اختر افغان نے کہاکہ آپ کے کیس میں آر او کہہ رہا ہے اسے دوبارہ گنتی کی درخواست ہی نہیں ملی،کیسے مان لیں آپ نے درخواست 9فروری کو ہی دی تھی،ریکارڈ سے دکھائیں نتائج مرتب ہونے سے پہلے آپ نے آر او کو درخواست دی۔ عدالت نے مسلم لیگ ن کے امیدوار کی دوبارہ گنتی کی درخواست خارج کرتے ہوئے پی ٹی آئی کے سعد اللہ بلوچ کی کامیابی کا فیصلہ برقرار رکھا۔