پاکستان میں بنگلہ دیشی سفیر روح العالم صدیقی کی چھٹی، نیا سفیر تعینات کرنے کا فیصلہ

اسلام آباد (کھوج نیوز ) بنگلہ دیش نے محمد اقبال حسین کو پاکستان میں نیا ہائی کمشنر تعینات کرنے کا فیصلہ کرلیا۔ اطلاعات کے مطابق بنگلہ دیش نے پاکستان میں روح العالم صدیقی کی جگہ محمد اقبال حسین کو نیا ہائی کمشنر تعینات کرنے کا فیصلہ کیا ہے۔

ذرائع کے مطابق محمد اقبال حسین نے 2001ء میں فارن سروس میں شمولیت اختیار کی تھی اور وہ اس وقت ڈھاکہ میں فارن سروسز اکیڈمی کے سربراہ ہیں،اس سے قبل وہ بنگلا دیش کی وزارت خارجہ میں بطور ڈائریکٹر جنرل مغربی ایشیا فرائض انجام دے چکے ہیں جبکہ جدہ، لندن، ماسکو اور ابوظہبی میں بنگلا دیش کے سفیر اور دبئی میں بنگلا دیش کے قونصل جنرل رہ چکے ہیں۔ ذرائع کے مطابق محمد اقبال حسین جلد پاکستان پہنچ کر سفارتی ذمہ داریاں سنبھالیں گے۔