پرائیویٹ و سرکاری سکولوں کو 4روز کیلئے کیوں بند کیا گیا؟ وجہ سامنے آگئی

لاہور(سٹاف رپورٹر، ماینٹرنگ ڈیسک) پرائیویٹ و سرکاری سکولوں کو 4 روز کے لئے کیوں بند کر دیا گیا ؟ اس کی وجہ سامنے آگئی ہے جس کے بعد بچے خوشی سے نہال ہو گئے ہیں۔

تفصیلات کے مطابق نگراں وزیراعلی پنجاب محسن نقوی نے راوی روڈ پر قائم گورنمنٹ گرلز ہائی اسکول کا اچانک دورہ کیا، جہاں طالبات نے اسکول میں روشنی اور پنکھے کم ہونے کی شکایت کی۔ نگراں وزاعلی نے دورے میں آشوب چشم کے شکار طلبا کو دیکھا تو برہمی کا اظہار کیا۔ حکومتی ہدایات کے باوجود آشوب چشم کے شکار طلبا کی اسکولوں میں حاضری پر نگراں وزیراعلی پنجاب نے سیکرٹری اسکول کو فوری طور پر سکول طلب کرتے ہوئیصوبے کے تمام پرائیویٹ اور سرکاری اسکولوں میں جمعرات اور ہفتہ کی چھٹی دینے کی ہدایت جاری کردی۔میٹرک کلاسز تک تمام بچوں کو کل چھٹی ہوگی،پیر کے روز سے آشوب چشم کے بچوں کو مرکزی دروازہ پر ٹیچر خود چیک کرینگے،آشوب چشم کے مریض بچوں کو سکول میں آنے کی اجازت نہیں ہوگی۔