پرویز خٹک اور ن لیگ میں معاملات طے، شہباز شریف کی موجودگی میں شمولیت کا اعلان کریں

لاہور (مانیٹرنگ ڈیسک) پاکستان تحریک انصاف کے رہنماء پرویز خٹک نے بھی پارٹی چھوڑنے کا اعلان کر دیا، مسلم لیگ ن میں شمولیت اختیار کرنے کا فیصلہ بھی کر لیا گیا-

کھوج نیوز ذرائع کے مطابق پاکستان تحریک انصاف کے رہنماء پرویز خٹک نے عمران خان کو خیر باد کہہ کر مسلم لیگ ن میں شمولیت اختیار کرنے کا فیصلہ کر لیا ہے- ذرائع کا کہنا ہے کہ پرویز خٹک اور ن لیگ کے درمیان معاملات طے پا گئے ہیں اور وہ بہت جلد شہباز شریف کی موجودگی میں ن لیگ میں شمولیت اختیار کرنے کا اعلان کریں گے- ذرائع نے مزید بتایا ہے کہ پرویز خٹک کی ن لیگ میں شمولیت اختیار کرنے پر امیر مقام بھی راضی ہیں-

واضح رہے کہ 9 مئی کے واقعات کے بعد پاکستان تحریک انصاف کے سینکڑوں رہنماؤں نے پارٹی چھوڑ کر مختلف جماعتوں میں شمولیت اختیار کر لی ہے-