پیپلز پارٹی اور پی ٹی آئی کی ایک تصویر اور سیاسی درجہ حرارت، ندیم افضل چن نے ن لیگی حلقوں میں ہلچل مچا دی

لاہور(کھوج نیوز) پاکستان پیپلز پارٹی کے رہنماء ندیم افضل چن نے کہا ہے کہ جس دن پیپلز پارٹی اور پی ٹی آئی کی ایک تصویر بن گئی سیاسی درجہ حرارت ایک لمحہ میں نیچے آ گرے گا۔ اپنے ایک بیان میں ندیم افضل چن نے دعویٰ کیا ہے کہ پیپلز پارٹی اور پی ٹی آئی کے درمیان رابطے ہو رہے ہیں تاہم یہ رابطے کب نتیجہ خیز ثابت ہوں گے ابھی اس کے متعلق کچھ بھی کہنا قبل از وقت ہوگا۔

ندیم افضل چن کا کہنا تھا کہ میرا دعویٰ ہے کہ ملک کے سیاسی درجہ حرارت میں یکسر تبدیلی آ جائے گی اور سیاسی عدم استحکام کا خاتمہ ہوجائے گا ۔ انہوں نے دعویٰ کیا ہے کہ اگر پیپلز پارٹی اور پی ٹی آئی کے اتحاد کے بعد سیاسی افراتفری ختم نہ ہوئی تو ہمیں سیاستدان بلانا چھوڑ دینا۔