پی آئی اے کی خریداری کا معاملہ: غیر ملکی پاکستانی گروپ نے پاکستان کو بڑی پیشکش کردی

اسلام آباد(کھوج نیوز)ایک غیرملکی مگر پاکستانی کاروباری گروپ نے پاکستان پی آئی اےکی خریداری کے لیے حکومت کو 100 بلین روپے کی پیشکش کی ہے۔ النہنگ گروپ کے سربراہ، محمد علی فقیر، نے پاکستان کی تین اہم وزارتوں کو ای میل کے ذریعے اپنی باضابطہ پیشکش ارسال کی ہے۔ اس پیشکش میں گروپ نے نہ صرف پی آئی اے کی خریداری کے لیے 100 بلین روپے دینے کی پیشکش کی ہے، بلکہ ساتھ ہی ساتھ کمپنی کے 250 ارب روپے کے واجبات کو بھی ادا کرنے کی مکمل یقین دہانی کرائی ہے.گروپ کا کہنا ہے کہ پی آئی اے کی مالی حالت کو مستحکم کرنے کے لیے یہ پیشکش ایک مثبت قدم ہو سکتی ہے، جس سے نہ صرف قومی ایئر لائن کی کارکردگی میں بہتری آئے گی بلکہ ملک کے ہوابازی کے شعبے کی ترقی میں بھی مدد ملے گی۔ اس پیشکش کے بعد حکومت کو اس بات پر غور کرنے کی ضرورت ہے کہ آیا یہ معاہدہ پی آئی اے کی بحالی کے لیے مفید ثابت ہو سکتا ہے یا نہیں۔

اس کے علاوہ، النہنگ گروپ نے اپنی پیشکش میں یہ بھی ذکر کیا ہے کہ وہ پی آئی اے کی انتظامیہ میں جدید تبدیلیاں لائیں گے اور بین الاقوامی سطح پر اس کی ساکھ کو بہتر بنانے کے لیے جدید ٹیکنالوجیز اور انتظامی اصلاحات متعارف کرائیں گے۔