پاکستان

پی ٹی آئی دھڑے بندی کا شکار، کتنے لوگوں نے الگ گروپ بنایا؟ کون کون شامل’ تفصیلات منظر عام پر

پی ٹی آئی کے 21ارکان اسمبلی نے اپنا الگ گروپ بنانے کا عندیہ دے دیا اور پارٹی چیئرمین بیرسٹرگوہر اور جنرل سیکرٹری عمرایوب خان کو سنجیدہ کوشش کرنے کا پیغام بھجوایا

اسلام آباد(کھوج نیوز) پاکستان تحریک انصاف دھڑے بندی کا شکار، کتنے لوگوں نے الگ گروپ بنایا؟ اور اس میں کون کون شامل ہیں اس حوالے سے تمام تر تفصیلات منظر عام پر آگئیں۔

تفصیلات کے مطابق ذرائع نے بتایا ہے کہ پی ٹی آئی ارکان اسمبلی نے اختلافات کی وجہ سے پارلیمانی پارٹی اجلاسوں میں شرکت سے معذرت کی اور رہنماؤں نے شکوہ کیا کہ سینیٹ میں پارلیمانی لیڈر اور قومی اسمبلی میں سینئرقیادت کمیٹیوں کے لئے کمپرومائزڈ ہے۔ ذرائع نے بتایاکہ ارکان کا مؤ قف ہے کہ بانی پی ٹی آئی اور رہنماؤں کی رہائی کی بجائے قیادت عہدوں کیلئے کوشاں ہے۔ ذرائع کے مطابق پی ٹی آئی کے 21ارکان اسمبلی نے اپنا الگ گروپ بنانے کا عندیہ دے دیا اور پارٹی چیئرمین بیرسٹرگوہر اور جنرل سیکرٹری عمرایوب خان کو سنجیدہ کوشش کرنے کا پیغام بھجوایا۔

تحریک انصاف میں دھڑے بندی 21 ارکان اسمبلی نے اپنا الگ گروپ بنانے کا عندیہ دیدیا۔سنی اتحاد کونسل میں شامل تحریک انصاف کی پارلیمانی پارٹی میں اختلافات شدت اختیار کرگئے ۔ ذرائع کے مطابق شہریار آفریدی کے استعفے سے متعلق بیان کے بعد27 سے زائد ممبران نے استعفوں پر مشاورت کی جبکہ شاندانہ گلزار اور شیر افضل مروت سمیت متعدد ممبران نے پارٹی قیادت کی نااہلی پراحتجاج بھی کیا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button