پاکستان
پی ٹی آئی کے گرفتار ایم این ایز پارلیمنٹ لاجز سب جیل سے اڑن چھو، کہاں گئے؟ پتا چل گیا
سب جیل سے رہائی پانے والوں میں شیخ وقاص اکرم، شیر افضل مروت اور عامر ڈوگر ' زین قریشی، مولانا نسیم شاہ، احمد چٹھہ، یوسف خان اور احد شاہ شامل ہیں
اسلام آباد(کھوج نیوز) پاکستان تحریک انصاف (پی ٹی آئی) کے گرفتار ایم این ایز پارلیمنٹ لاجز سب جیل سے اڑن چھو؟ اچانک کہاں چلے گئے؟ اس حوالے سے تمام تفصیل سامنے آگئی۔
تفصیلات کے مطابق سب جیل سے رہائی پانے والوں میں شیخ وقاص اکرم، شیر افضل مروت اور عامر ڈوگر شامل ہیں، جبکہ پی ٹی آئی رہنما زین قریشی، مولانا نسیم شاہ، احمد چٹھہ، یوسف خان اور احد شاہ کو بھی رہا کردیا گیا ہے۔ یاد رہے کہ گزشتہ دنوں اسپیکر قومی اسمبلی سردار ایاز صادق نے گرفتار ارکان کی درخواست پر پارلیمنٹ لاجز کو سب جیل قرار دینے کی منظوری دی تھی۔جس کے بعد پی ٹی آئی کے گرفتار اراکین قومی اسمبلی کو پارلیمنٹ لاجز میں رکھاگیا تھا، پارلیمنٹ لاجز کو سب جیل قرار دینے کا نوٹیفکیشن بھی جاری کر دیا گیا تھا۔پاکستان تحریک انصاف (پی ٹی آئی) کے رہنماؤں کو 9 ستمبر کو گرفتار کیا گیا تھا۔
