کراچی میں شدید گرمی اور بدترین لوڈشیڈنگ ، شہری بلبلا اٹھے
شہر کے مختلف علاقوں میں لوڈ شیڈنگ کا دورانیہ 12 گھنٹوں سے تجاوز کرگیا ، کورنگی، لانڈھی، شاہ فیصل کالونی، بھینس کالونی کے مکین لوڈشیڈنگ سے متاثر ہیں
کراچی(کھوج نیوز) کراچی میں شدید گرمی کے دوران کے الیکٹرک کی جانب سے بدترین لوڈشیڈنگ کا سلسلہ جاری ہے جس کے بعد شہر قائد میں بسنے والے شہری بلبلا اٹھے ہیں۔
تفصیلات کے مطابق کراچی میں بدترین لوڈشیڈنگ پر صارفین کا کہنا تھا کہ گرمی ہوتے ہی کیالیکٹرک نے لوڈشیڈنگ کادورانیہ بڑھا دیا ہے۔ بجلی کی عدم فراہمی کے باعث طلبہ کو امتحانات کی تیاری میں پریشانی کا سامنا ہے۔ شہر کے مختلف علاقوں میں لوڈ شیڈنگ کا دورانیہ 12 گھنٹوں سے تجاوز کرگیا ہے، کورنگی، لانڈھی، شاہ فیصل کالونی، بھینس کالونی کیمکین لوڈشیڈنگ سے متاثر ہیں۔ قائدآباد، ملیر،گڈاپ، گلشن معمار اور سرجانی ٹاؤن کے مکین بھی گھنٹوں بجلی سے محروم ہیں۔ اورنگی ٹاؤن، بلد یہ ٹاؤن، کیماڑی، لیاقت آباد، ایف سی ایریا اور کریم آباد میں بھی کئی گھنٹوں کی لوڈ شیڈنگ کی جارہی ہے جبکہ لیاری، اولڈسٹی ایریا، محمودآباد، منظورکالونی اور اعظم بستی میں بھی طویل لوڈشیڈنگ کا سلسلہ جاری ہے۔
