کیپٹن سرور شہید کا 75واں یوم شہادت عقیدت واحترام سے منایا گیا

راولپنڈی (انٹر نیوز)کیپٹن سرور شہید کا 75 واں یوم شہادت ملک بھر میں انتہائی عقیدت واحترام کے ساتھ منایا گیا،چیئرمین جوائنٹ چیفس آف سٹاف کمیٹی اور سروسز چیفس نے کیپٹن محمد سرور شہیدکو خراج عقیدت پیش کیا ہے۔

آئی ایس پی آر کی جانب سے جاری بیان میں کہا گیا ہے کہ کیپٹن سرور شہید (نشان حیدر)کی بے مثال جرت و بہادری اور ثابت قدمی ہمیشہ یاد رکھی جائے گی۔پاکستان کے سب سے پہلے نشان حیدر کیپٹن سرور نے 27جولائی 1948کی جنگ میں ناقابل تسخیر جرات اور بہادری کا مظاہرہ کرتے ہوئے تل پترا(آزاد کشمیر)پہاڑی پر جام شہادت نوش کیا تھا۔ کیپٹن محمد سرور شہید کا یوم شہادت افواج پاکستان کی مادر وطن کیلئے دی جانے والی ان گنت قربانیوں کا مظہر ہے۔بیان میں کہا گیا ہے کہ ملک کی آبرو کیلئے اپنی جان نچھاور کرنے والے یہ درخشندہ ستارے بلاشبہ عزت و تکریم کے مستحق،قوم کا فخر ہیں۔