ہوشر باء مہنگائی، سربراہ آئی ایم ایف نے پاکستانیوں کو چونکا دینے والی خبر سنا دی

اسلام آباد(مانیٹرنگ ڈیسک) سربراہ آئی ایم ایف نے پاکستان میں مہنگائی سے ستائے شہریوں کے لئے ایسی خبر سنا دی کہ پورے ملک میں ہلچل مچا دینے والی تفصیل آگئی۔

تفصیلات کے مطابق آئی ایم ایف نے پاکستان کی معاشی کارکردگی سے متعلق رپورٹ جاری کی جس میں کہا گیا ہے کہ رواں مالی سال 24-2023 میں معاشی شرح نمو 2.5 فیصد رہنے کا امکان ہے ۔ گزشتہ مالی سال پاکستان کی معاشی کارکردگی منفی 0.5 فیصد رہی جب کہ حکومت نے گزشتہ سال جی ڈی پی گروتھ 0.3 فیصد مثبت رہنے کا دعوی کیا تھا۔ اب امکان ظاہر کیا گیا ہیکہ سال 2024 میں بے روزگاری ساڑھے 8 فیصد سے کم ہو کر 8 فیصد پرآجائے گی۔ اس سال اوسط مہنگائی29.6 فیصد سے کم ہو کر 25.9 فیصد پر آنے کی پیش گوئی کی گئی ہے جب کہ اس سال مالی خسارہ معمولی کمی سے ساڑھے سات فیصد رہنے کا امکان ظاہر کیا گیا ہے۔ آئی ایم ایف کے مطابق پرائمری سرپلس جی ڈی پی کا 0.4 فیصد رہنے کا تخمینہ ہے اور پاکستان کے ذمہ قرضوں کا حجم 81.8 فیصد سے کم ہو کر 74.9 فیصد پر آجائے گا۔۔

علاوہ ازیں بین الاقوامی مالیاتی فنڈ (آئی ایم ایف)کی مینیجنگ ڈائریکٹر کرسٹالینا جارجیوا کا کہنا ہے کہ پاکستان کو اس پروگرام پر پوری لگن سے عمل کرنا ہوگا، ماضی میں قرض پروگرام کی پالیسیوں پر عملدرآمد نہ ہونے سے مہنگائی میں اضافہ ہوا۔ اپنے بیان میں ایم ڈی آئی ایم ایف کا کہنا تھا کہ قرض پروگرام کی پالیسیوں پر عمل نہ ہونے کے باعث پاکستان کے اندرونی و بیرونی مالی ذخائرمیں کمی آئی، پالیسیوں پر تسلسل سے عملدرآمد کے ذریعے عدم توازن دور ہوگا ۔ کرسٹالینا جارجیوا کا کہنا ہیکہ نیا اسٹینڈ بائے ارینجمنٹ پروگرام پاکستان کے لیے میکرو اکنامک استحکام لانیکا موقع ہے