یونیورسٹی بلوں کی منظوری، کتنے کروڑ روپے رشوت لی گئی؟ شاہد خاقان عباسی کا بڑا انکشاف

اسلام آباد(نیوز رپورٹر، مانیٹرنگ ڈیسک) قومی اسمبلی کے آخری دنوں میں یونیورسٹی کے بلوں کی منظوری پر کتنے کروڑ روپے رشوت لی گئی؟ شاہد خاقان عباسی نے بڑا انکشاف کر دیا۔

تفصیلات کے مطابق شاہد خاقان عباسی نے گزشتہ قومی اسمبلی پاکستان کی تاریخ کی بدترین اسمبلی تھی۔ آخری 10 دن میں جو ہوا اس پر تمام افراد کو اجتماعی معافی مانگنا چاہیے۔ ایم این ایز نے پیسے لے کر بل منظور کرائے۔ انہوں نے کہا کہ میرے پاس اس کے ثبوت تو نہیں لیکن کہا جا رہاہے کہ یونیورسٹی کے بل منظور کرانے کیلئے 15 سے 25 کروڑ دیے گئے۔ بعض ارکان کو یونیورسٹیوں میں حصہ بھی ملا۔ نیب کو اس کی انکوائری کرنا چاہیے۔