بیساکھی میلہ، بھارت سے آیا سکھ شہری دل کا دورہ پڑنے سے انتقال کر گیا

لاہور(جنرل رپورٹر، آن لائن) پاکستان میں بیساکھی میلہ میں شرکت کیلئے بھارت سے آیا سکھ شہری دل کا دورہ پڑنے سے انتقال کرگیا،میت واپس بھارت بھجوادی گئی ۔حکام کے مطابق جوگندر سنگھ گورودوارہ جنم استھان ننکانہ صاحب کے بلاک پانچ، کمرہ نمبر 252 میں رہائش پذیر تھا کہ اچانک اسے دل کی تکلیف ہوئی جوجان لیوا ثابت ہوئی۔

اس حوالے سے ڈسٹرکٹ ہیڈ کوارٹر ہسپتال ننکانہ صاحب نے جوگندر سنگھ کی موت کا سرٹیفیکٹ جاری کردیا ہے۔65 سالہ جوگندر سنگھ بھارتی پنجاب کے شہر جالندھر کے علاقہ تیج بہادر نگر کا رہائشی تھا، متوفی بیساکھی میلہ میں شرکت کے لیے 9 اپریل کو واہگہ بارڈرکے راستے پاکستان پہنچا تھا۔جوگندر سنگھ پارٹی لیڈر سردار امرجیت سنگھ کے جتھے میں شامل یاتریوں میں سے ایک تھا۔ متروکہ وقف املاک بورڈ کے عملے نے بھارتی شہری کی ہارٹ اٹیک سے موت بارے اعلی حکام کو آگاہ کردیا ہے۔

سٹیٹ بینک نے نظام ادائیگی کی پہلی اور دوسری سہ ماہی رپورٹ جاری کر دی