عمران خان کی گرفتاری کیخلاف احتجاج ‘ تصادم کے نتیجے میں کتنے افراد زخمی ہوئے؟

لاہور (رپورٹنگ ٹیم، آن لائن) لاہور کے زمان پارک میں تحریک کے چیئرمین عمران خان کی گرفتاری کیلئے ہونیوالے تصادم کے نتیجے میں مجموعی طور پر 59 افراد زخمی ہوئے جن میں 51 پولیس اہلکار شامل ہیں۔

ای ایس سروسزہسپتال ڈاکٹرمختار اعوان کا کہنا ہے کہ تصادم کے نتیجے میں سروسز ہسپتال میں مجموعی طور پر 59 زخمی افراد لائے گئے جن میں 51 پولیس اہلکار شامل ہیں جبکہ 8 سویلین افراد تھے۔اب تک 58 افراد کو ڈسچارج کر دیا گیا ہے جبکہ تین پولیس اہلکار اس وقت زیر علاج ہیں جن میں دو پولیس اہلکار سرجیکل ایمرجنسی اورایک نیورو ایمرجنسی میں زیر علاج ہیں۔

ہسپتال ذرائع کے مطابق ڈی آئی جی آپریشن شہزاد بخاری کو سروسز ہسپتال سے ڈسچارج کر دیا گیا ہے ، میو ہسپتال میں تین پولیس اہلکار زیر علاج ہیں۔ واضع رہے پولیس نے پی ٹی آئی کارکنوں کو منتشر کرنے کے لیے شیلنگ اور واٹر کینن کا استعمال کیا جبکہ پی ٹی آئی کارکنوں نے پولیس اور رینجرز پر پتھراؤ کیا۔

پی ٹی آئی کے گرفتار کارکنوں سے کیا کچھ برآمد ہوا؟ چونکا دینے والی خبر آگئی