پاکستانفیچرڈ پوسٹ

مریم نواز خاموش کیوں؟ شیخ رشید نے بڑے راز سے پردہ اٹھا دیا

نواز شریف نے بیرون ملک جانے سے قبل یقین دہانی کروائی تھی کہ عمران خان حکومت کیخلاف کوئی مشکل نہیں کھڑی کی جائے گی

وزیر ریلوے شیخ رشید احمد نے مریم نواز کی خاموشی کے متعلق بڑے راز سے پردہ اٹھاتے ہوئے کہا کہ مریم نواز اپنے والد میاں نوازشریف کی وجہ سے خاموش ہیں۔

کھوج نیوز ذرائع کے مطابق شیخ رشید احمد کا کہنا ہے کہ نواز شریف باہر جانے سے پہلے یقین دہانی کروا کر گئے ہیں کہ عمران خان کو 5 سال آرام سے حکومت کرنے دیں گے، مریم نواز یوں ہی خاموش نہیں بیٹھیں، عید کے بعد سیاست میں ہلچل ہو سکتی ہے لیکن عمران خان کہیں نہیں جا رہے۔

شیخ رشید نے دعوی کیا ہے کہ نواز شریف بیرون ملک جانے سے پہلے یقین دہانی کروا کر گئے تھے کہ انہیں عمران خان کا 5 سال حکومت کرنا منظور ہے۔ نواز شریف نے یقین دہانی کروائی تھی کہ عمران خان حکومت کیخلاف کوئی مشکل نہیں کھڑی کی جائے گی۔ شیخ رشید احمد کا کہنا ہے کہ مریم نواز یوں ہی خاموش نہیں بیٹھیں۔ میں نے پہلے ہی کہا تھا کہ نواز شریف کو باہر جانے دیں، اور یہ بھی کہا تھا کہ وہ باہر گئے تھے پھر واپس نہیں آئیں گے۔

شیخ رشید احمد کا کہنا ہے کہ اپوزیش شور مچاتی رہتی ہے۔ عید کے بعد سیاست میں ہلچل ہو سکتی ہے لیکن عمران خان کہیں نہیں جا رہے۔ وزیراعظم 5 سال پورے کریں گے۔ شیخ رشید احمد کا مزید کہنا ہے کہ انہوں نیب قانون میں ترامیم کی مخالف کی ہے۔ شیخ رشید احمد کا کہنا ہے کہ نیب قانون میں ترامیم کے معاملے پر کابینہ میں بھی بحث ہو چکی ہے۔انہوں نے وزیراعظم عمران خان کو واضح کیا ہے کہ وہ نیب قانون میں ترامیم کے معاملے پر ان کیساتھ نہیں ہیں۔ نیب قانون میں جو ترامیم تجزیز کی جا رہی ہیں، وہ ان کی حمایت نہیں کرتے۔ اس حوالے سے انہوں نے وزیراعظم کو اپنے تحفظات سے آگاہ کیا ہے۔ شیخ رشید احمد کا کہنا ہے کہ انہوں نے کچھ عرصہ قبل کہا تھا کہ ٹارزن کی بھرپور واپسی ہوگی۔ اب وہ یہ بتا رہے ہیں کہ ٹارزن صرف اپوزیشن نہیں بلکہ حکومت کے پیچھے بھی آئے گا۔

Tags
Back to top button
Close