پاکستانفیچرڈ پوسٹ

سکول کھولنے کا معاملہ، حکومت اور مالکان میں زبردست ٹکراؤ

آل پرائیویٹ سکول مالکان رواں ماہ میں سکول کھولنے کا اعلان کر چکے ہیں جبکہ حکومت اپنے فیصلے پر برقرار ہے

ملک بھر میں سکول کھولنے کے معاملہ پر حکومت اور مالکان میں زبردست ٹکراؤ پیدا ہوگیا ہے‘حکومت کی طرف سے تعلیمی ادارے 15ستمبر سے کھولنے کا فیصلہ برقرار ہے۔

تفصیلات کے مطابق وفاقی وزیر تعلیم شفقت محمود کی زیر صدارت وزرائے تعلیم کانفرنس ختم ہوگئی، بین الصوبائی وزرائے تعلیم کانفرنس میں 15 ستمبر کو اسکول کھولنے کا فیصلہ برقرار رکھا گیا ہے۔ اجلاس میں کے پی کے حکومت نے تعلیمی ادارے یکم ستمبر سے کھولنے کی تجویز دی تاہم باقی تمام صوبوں نے اس کی مخالفت کرتے ہوئے اسکولز 15 ستمبر سے ہی کھولنے کی تجویز دی۔ ملک بھر میں یکساں نصاب پر بھی مشاورت کی گئی اور اس کی اصولی منظوری دے دی گئی، صوبے یکساں نصاب سے متعلق اپنی تجاویز سے آگاہ کریں گے۔ دوسری جانب سماجی رابطے کی ویب سائٹ پر ٹوئٹ کرتے ہوئے وزیرتعلیم پنجاب ڈاکٹر مراد راس نے کہا کہ پنجاب میں 15 ستمبر کو اسکول کھولنے کی تاریخ عارضی ہے اور یہ کورونا کی صورتحال پر منحصر ہے جب کہ اسکول کھولنے کے حوالے سے کورونا سے بچاؤ کے لیے ایس اوپیزپرعمل کیا جائے گا۔

Back to top button