پاکستان

رحمن ملک کی چال کامیاب، سنتھیا رچی کو پاکستان چھوڑنے کی مہلت دیدی گئی

وزارت داخلہ کی طرف سے سنتھیا رچی کو 15 دن کے اندر پاکستان چھوڑنے کے احکامات جاری کیے گئے ہیں

پیپلز پارٹی کے رہنماء رحمن ملک کی چال کامیاب ہو گئی ہے جس کے بعد وزارت داخلہ نے سنتھیا رچی کی ویزے میں توسیع کی درخواست مسترد کرتے ہوئے پاکستان چھوڑنے کی مہلت دیدی ہے۔

ذرائع کے مطابق امریکی شہری سنتھیا رچی کے ویزے کی مدت 31 اگست کو ختم ہوچکی ہے اور انہوں نے ویزے کی توسیع کے لیے درخواست دی تھی تاہم وزارت داخلہ نے ان کی درخواست کو مسترد کردیا ہے۔ وزارت داخلہ کے مطابق سنتھیا رچی کو 15 دن کے اندر پاکستان چھوڑنے کے احکامات جاری کیے گئے ہیں۔

واضح رہے کہ امریکی شہری سنتھیا رچی نے سابق وزیراعظم یوسف رضا گیلانی، سابق وزیر داخلہ رحمان ملک اور مخدوم شہاب الدین پر سنگین نوعیت کے الزامات لگائے تھے جسے وہ پولیس اور عدالت کے سامنے ثابت کرنے میں ناکام رہی ہیں۔ پی پی رہنما رحمان ملک نے اسلام آباد ہائیکورٹ میں اس سلسلے میں ایک درخواست دائر کی تھی جس پر عدالت نے سیکرٹری داخلہ کو سنتھیا رچی کے ویزہ میں توسیع کے معاملے پر فیصلہ کرنے کا کہا تھا۔ سابق وزیرداخلہ رحمان ملک نے سنتھیا رچی پر ہتک عزت کا دعوی بھی دائر کیا تھا۔

Back to top button