پاکستان

پاکستانی دانشوروں کی سول ایوارڈز لینے سے معذرت ، رضا ربانی نے بڑا بیان داغ دیا

تاریخ گواہ ہے جہاں حکمران اشرافیہ نے دانشوروں کا گلا گھونٹا وہ معاشرہ تاریخ کے کوڑے دان میں گیا

سابق چیئرمین سینیٹ اور پیپلزپارٹی کے رہنما رضا ربانی نے کہا ہے کہ یہ بات قابل تشویش ہے کہ پاکستانی دانشور سول ایوارڈ لینے سے معذرت کررہے ہیں۔

تفصیلات کے مطابق اپنے بیان میں رضا ربا نی کا کہنا تھا کہ پہلے تاج جویو نے بیٹے کے لاپتا ہونے پر حسن کارکردگی ایوارڈ لینے سے انکار کیا، اب شاعرہ فہمیدہ نسرین کی بیٹی نے صحافیوں کے اغواء اور تشدد پرمرحوم والدہ کے لیے ایوارڈ نہیں لیا۔ انہوں نے کہا کہ یہ دونوں کیسز فاشسٹ پالیسی کے خلاف پیدا ہونے والی مایوسی کی عکاس ہیں، جہاں دانشور سوچ کو ریاستی پالیسی کے تحت دبایا جارہا ہو وہ معاشرہ مردہ ہوجاتاہے۔ پی پی رہنماء کا کہنا ہے کہ تاریخ گواہ ہے جہاں حکمران اشرافیہ نے دانشوروں کا گلا گھونٹا وہ معاشرہ تاریخ کے کوڑے دان میں گیا، خبردارکرتاہوں اگر دانشوروں کو بڑھنے نہیں دیا تو آپ وفاق کو تباہی کے دہانے پر لے جائیں گے۔

Back to top button