پاکستان

کراچی میں پولیس مقابلہ، 6پولیس اہلکاروں کو حراست میں لے لیا گیا

کراچی کے علاقے کورنگی مہران ٹاؤن کے قریب ملیر ندی بند پر مبینہ پولیس مقابلے میں ملوث6 اہلکاروں کو حراست میں لے لیا گیا ہے۔

مبینہ پولیس مقابلے میں ایک شخص جاں بحق اور 2 افراد زخمی ہو گئے تھے۔ پولیس حکام کا کہنا ہے کہ تفتیش کے دوران مقابلے میں شکوک پائے گئے ہیں اور اہلکاروں کو اہل خانہ کے بیان کے بعد حراست میں لیا گیا۔جاں بحق شخص کے بھائی نے جناح اسپتال کے باہر میڈیا سے گفتگو کرتے ہوئے بتایا کہ ڈاکوؤں نے ہمیں اسلحہ کے زور پر لوٹا اور فرار ہو گئے۔پولیس کے پہنچنے سے دس منٹ قبل ڈاکو ہمیں لوٹ کر جا چکے تھے۔ 15 پر اطلاع دینے پر پولیس نے آکر ہم پر ہی فائرنگ کر دی اور میرے بھائی کے پاس پستول رکھ کر پولیس والوں نے تصویر بنائی۔

ایس ایس پی کورنگی کے مطابق مددگار 15 کی اطلاع پر پولیس موقع پر پہنچی تو مقابلہ ہوا جس میں ایک شخص جاں بحق اور دو زخمی ہوگئے۔

Back to top button