پاکستانفیچرڈ پوسٹ

حکومت بنانے کا اختیار اداروں کو نہیں بلکہ یہ کام آپ کو کرنا ہے‘ مریم نواز نے گلگت بلتستان انتخابات میں عوام کو سب کچھ بتا دیا

گلگت بلتستان اسمبلی کے انتخابات کے لیے مسلم لیگ (ن)کے 16 میں 8-9 امیدواروں کو توڑا جاچکا ہے

سابق وزیراعظم میاں نوازشریف کی صاحبزادی مریم نواز نے گلگت بلتستان کی عوام کو کہا کہ حکومت بنانے کا اختیار اداروں کو نہیں بلکہ یہ کام آپ نے کرنا ہے۔

تفصیلات کے مطابق مسلم لیگ (ن)کی نائب صدر مریم نواز نے کارکنان کو مخاطب کرتے ہوئے کہا کہ جو پارٹی چھوڑ جائیں، دبا میں آجائیں اور بھروسہ توڑ دیں ان کا گھیرا کیا جائے، انہوں نے یہ بھی انکشاف کیا کہ گلگت بلتستان اسمبلی کے انتخابات کے لیے مسلم لیگ (ن)کے 16 میں 8-9 امیدواروں کو توڑا جاچکا ہے۔

ذرائع کے مطابق گلگت بلتستان کے علاقے گمبہ میں انتخابی مہم کے سلسلے میں جلسے سے خطاب کرتے ہوئے رہنما مسلم لیگ (ن)کا کہنا تھا کہ پاکستان کی سیاست بدل گئی ہے جو افراد مشکل حالات میں اپنی پارٹی کے ساتھ کھڑے رہیں، اپنی وفاداری کو بیچیں نہیں ووٹ کا حق صرف ان کا ہے، مسلم لیگ (ن)کے گلگت بلتستان میں 16امیدوار تھے جن میں سے 8-9 کو انہوں نے توڑ لیا ہے لیکن جو تھوڑا دبا برداشت نہ کرسکے، اپنے حق کے لیے کھڑا نہ ہوسکے وہ عوام کے حق کے لیے کھڑا نہیں ہوسکتا۔

پارٹی کے پہلے جلسے سے خطاب کرتے ہوئے انہوں نے گلگت بلتستان کے عوام سے وعدہ لیا کہ پارٹیاں چھوڑنے والے لوٹوں کو ووٹ نہیں دیں گے، جو ذرا سے دبا کا سامنا نہ کرسکے اور پارٹی کی پیٹھ میں چھرا گھونپ دے وہ ووٹ کا حق دار نہیں ہے،جعلی وزیراعظم نے چند روز قبل آ کر گلگت بلتستان کو صوبہ بنانے کا اعلان کیا، انتخابات سے قبل اس قسم کے اعلان کا کیا مطلب ہوا۔مریم نواز نے کہا کہ جسے یہ معلوم نہیں کہ عوام روٹی کے لیے ترس رہے ہیں، تم جعلی ہی سہیں لیکن حکمران تو ہو تہمیں یہ احساس نہیں لوگ کس طرح مہنگائی سے تڑپ رہے ہیں، بھوکے مررہے ہیں، بجلی گیس کے بلز سے پریشان ہیں۔

Back to top button